- 睇樓 -

"曬天針", 將平時縫過自己衫嘅"針"放喺正正當天位置曬幾個鐘 (選擇陽光最猛烈嘅時候), 然後包起帶喺身去睇樓, 去到攞一碗清水, 將針放碗中, 正常情況下針會下沉, 如出現不正常情況針會浮起, 而且針口位會指向你肉眼可能冇辦法睇到嘅嘢!

通常人踏入屋企大門都是右腳先入, 睇樓時左腳踏入, 右腳停留門外, 頭正好在門框下, 然後定神感受, 如感覺不適的話可能屋内有其他其他界別的生物存在!

冇天然光入屋嘅地方都不適宜人住, 正午時候如有半間屋有陽光入最爲理想, 但如果全間屋都入陽光就並非很好, 形成"光殺", 但如果家中冇陽光入嘅位置應該添加燈光及綠色植物!

- 旅行 -

入酒店房...無論房裡邊有冇人都好, 入去前敲敲門冇蝕底架!

如果入住酒店房發現未執好千祈唔好入, 就算執好, 入去要喺打開行李前先拉開窗簾!

最好唔好買啲古靈精怪嘅手信, 好似木雕諸如此類嘅嘢!

飲水最好唔好選擇凍水, 通常有蠱毒的水上下水溫會有區別, 所以都係飲熱水較爲保障!

- 運氣 -

人總會有三衰六禍, 衰起上嚟好容易見到啲唔乾淨嘅嘢......人有三把"火"(頭頂及兩肩上), 所以通常叫人唔好亂拍膊頭, 如果火熄咗運氣就會變差, 運氣唔好嘅時候盡量避免著沉色衫, 少出夜街, 而且應該盡量多曬太陽, 提升自己嘅運氣, 黑? 曬多啲太陽啦!

夜晚有人叫名唔好立即回頭望? 如果條街好旺就冇問題, 如果係好僻靜, 而且係叫全名就盡量唔好擰轉頭!

人通常運氣差嘅時候可能會導致發生意外需要住醫院, 當你出於任何迷糊、游離等狀態下聽到或遇到任何人話要帶你走嘅時候, 記得要同佢哋講"我唔走"!

- 神位 -

家中有供奉開如觀音、關公之類, 假如由於其他因素不能繼續供奉, 應該要裝香告知其因何原因不能繼續供奉, 然後使用紅紙包裹再棄置!

如需搬屋, 同時連神位、祖先等都要搬, 方法類似, 但要保留原來部分香灰到新居香爐底後再添加新香灰, 另外灶君與地主不能搬, 如上手屋主留有神位不能延用, 必須先請走!

家居位置允許情況下先好安置神位供奉神靈, 而且神像大小最好與家居大小符合比例, 神像間要處理好其得道先後次序, 唔好搞錯...否則啲神靈之間都可能出現爭執架!

另外, 唔好貪玩亂嘗試碟仙、筆仙、杯仙、銀仙、地獄遊、問米等等方式去接觸靈界, 尤其年青人意志力並比較弱, 真係好容易會出事, 即使你接觸到係好嘅或者能夠幫到你嘅神靈, 都唔可以再繼續, 可能會因此而令到自己陽氣耗盡以致身體或親友出現問題!